ffffffffffffffffffffffffffffffffffffffffffffffffffffffffffffffffffffffffffffffffffffffffffffff

fffffffffffffffffffffffffffffffffffffffffff

ffffffffffffffffffff

D’autras fòtas …

Qua siague a La Vila Dieu del Temple o a Montalban, la tresena edicion de la DICTADA OCCITANA se debanèt fòrt plan . 

A Montalban, un bocin mai d’un trentenat de personas ambe dos pichons e tanben un conselhièr general faguèron la dictada « oficiala » que legissèt lo Jacme Taupiac . Los que capitèron de far pas ges de decas fuguèron, e urosament ! los ensenhaires d’occitan dels sitis bilingues ( ex lo Cristòl de Moissac ) o retirats mas que contunhan de distribuir lor saber ..

( ex : lo Rogièr Carrièr qu’es intervenant a Lenga viva, l’universitat occitana d’estiu … www.lengaviva.com ).

A La Vila Dieu, Tarn e Garona occitan prepausèt una dictada preparada especiala pels debutants vertadièrs e los « patesans » … Aquò fuguèt plan apreciat pels participants e un bonur pels organisators sustot quand lo degan que revendiquèt lo drech d’escriure coma ausissiá ( !!) fuguèt covidat de legir lo texte en grafia normalisada . Te faguèt aquò coma se l’aviá fach tota sa vida ! Sa prononciacion naturala venguèt se pausa sus la grafia classica sen que el se pausa la mendre question ! Òsca al Gui Bosquet !

Pendant que lo corrector, Nadal Rei, fasiá la cassa a las decas , la co-presidenta de TG’OC, Nad(y)na Vèrn-Frolhon legissèt dos textes : una revirada d’una « localisacion » de la famusa tirada de Zamacoïs «  L’ACCENT » e « PATOIS » de Claudi Marti qui ouvrit un débat très animé.

Una originala mòstra de diccionaris , del pus pichon al mai gròsses, èra tanben prepausada .

Que siague a Montalban o a La Vila Dieu, totes los participants ajèron de pretz .

A La Vila Dieu, lo jove Silva ( 13 ans ) ganhèt un estagi a l’escòla occitana d’estiu de Vilanuèva d’Olt , lo Jòrdi , vengut de Sant Pau dels Pins, ganhèt l’estagi a l’escòla occitana d’ivèrn que se debanará a Foish del 22 al 26 de febrièr …per ne saber mai / pour en savoir plus

Totjorn a La Vila Dieu, Joan-Frederic ganhèt una setmana a Lenga viva, l’universitat occitana d’estiu de La Guépia .

Tot lo mond tornèm partir ambe un sacon plen de sovenirs : objectes promocionals , cassèitas de colectages per ajudar a ausir la musica de la lenga, plaças per d’espectacles occitans

Pour en savoir plus sur les Animacions de Tg’OC

Podèm pas far sen citar , Joan , un locutor natural qu’a descobèrt la grafia classica, fa pas gaire : dempuèi octobre de 2009 , mercés als corses del cercle TG’OC «  Lo recaliu »(*) a La Vila Dieu animat pel Nadal Rei . De mai lo Joan fuguèt atirat pel diccionari occitan ….. japonés : son filh es instalat al Japon que ne parla la lenga …e de segur conèis l’occitan …

Aquel present será dins la valisa del Joan pel lo voiatge a venir, a la prima que ven …

Lo senher Conse mager de LA VILA DIEU del TEMPLE e la Dòna Lahaine-Germa, consa se regaudissèron d’aquela prumièra edicion dins lor comuna e pertajèron lo veire de l’amistat al cap d’una matinada plan frecha defòra mas plan caudurosa dins los còrs .

TG’OC merceja totes los partenaris amassats per aquela capitada : la municipalitat de La Vila Dieu del Temple , lo Conselh General de Tarn e Garona, la Region Mièjorn-Pirenèus, l’EOE ( Escola occitana d’estiu), Lenga viva .

Lo recaliu = les braises sous la cendre …ces braises qui se maintiennent et ne demandent qu’à se rallumer … per ne saber mai / pour en savoir plus sur les cours d’initiation à l’occitan de LA VILLE DIEU du TEMPLE .

RENDEZ-VOUS pour la DICTADA OCCITANA 2011 : le dernier samedi de janvier !

Guy Bousquet a toujours parlé « patois » et même s’il a revendiqué le droit d’écrire comme il l’entendait ( dans les deux acceptions du terme !) , il a « espanté » tout le monde en lisant, pour la première fois de sa vie mais sans aucune hésitation , un texte écrit en graphie normalisée. Òsca !