Brevet d’Aptitud a las Foncions d’Animator en occitan
Formacion generala : de l’11 al 18 d’abril
Aprigondament : del 19 al 23 d’octobre
Lo CFPO de Miègjorn-Pirenèus, en collaboracion amb l’ALAE de la Calandreta de Còsta Pavada, met en plaça una formacion BAFA en occitan.
Aquela formacion se debana en tres partida :
– una formacion generala : de l’11 al 18/04/2015.
– un estagi practic dins un acuèlh collectiu de minors amb o sens albèrgament ;
– un aprigondiment amb un tèma causit ligat a la lenga e a las culturas occitanas – en foncion de l’organizator : del 19 al 23/10/2015.
Lo Brevet d’Aptitud a las Foncions d’Animator s’adreça al monde que vòlon trabalhar dins lo domeni de l’animacion
Es un diplòma que permet « d’enquadrar a títol non professional, d’un biais ocasional, d’enfants e d’adolescents en acuèlhs collectius de minors ».
Aqueles acuèlhs an vocacion a ofrir als enfants e als joves d’activitats educativas adaptadas a lors besonhs, pendent los tempses de lésers e de vacanças. S’articulan a l’entorn del projècte educatiu de l’organizator e d’un projècte pedagogic elaborat en concertacion amb l’ensemble de l’equipa educativa.
Prerequesits : Nivèl A2 en lenga occitana. Major de 17 ans.
Tarifa : 660 € (Formacion : 400 € / Albèrgament : 250€ / 10€ d’adhésion à l’associacion)
Finançaments possibles dins lo quadre de la formacion continua (DIF, Plan de formacion o de professionalizacion).
La CAF vos pòt autrejar una ajuda financièra de 91,47 € per l’ensemble de vòstra formacion.
Contact : CFPO Miègjorn-Pirenèus
11, carrièra Malcosinat
31000 Tolosa
Tel : 05.61.23.99.51